«Эмоциялық күйді түзету» тақырыбында психогимнастика

Мектеп педагогтарының эмоционалдық жағдайын реттеу, стрессті жеңілдету және жұмыс қабілеттілігін арттыру мақсатында педагог-психолог Жаркеева Нуризат Далеловна «Эмоциялық күйді түзету» тақырыбында психогимнастикалық жаттығулар жүргізді. Мұғалімдер релаксациялық және тыныс алу техникасын меңгеріп, эмоционалды шиеленісті төмендетуге бағытталған практикалық жаттығулар орындады. Психогимнастика педагогтарға өзін-өзі тыныштандыру, стресс деңгейін бақылау және жұмыс барысында эмоционалдық тұрақтылықты сақтау дағдыларын дамытуға мүмкіндік берді.

Іс-шара мұғалімдердің психологиялық саулығын қолдауға оң әсерін тигізді.