«TopIQ- MobiBox» станциясы

   Жаңа жыл қарсаңында «Алматыкітап баспасы» отанымыздың 20 өңірдегі цифрлық ресуртарға қолжетімділігі шектеулі шағын жинақты және шет аймақтардағы мектептерге әрқайсысының құны 400 мың теңге болатын 1000  дана білім беру станцияларын сыйға тарту етті.

Еліміздің білім беру саласына әлеуметтік маңызы бар қайрымдылық жоба – ағымдағы жылдың  22 желтоқсанында Абай облысының орталығы Семей қаласында өткен  іс-шараға   мектеп  директоры Ғайсин Мұхит Санақұлы қатысты.  Іс –шарада мектепке  «TopIQ- MobiBox» станциясы  сыйға  берілді.

 Жоба – шалғайдағы мектептер мен кітапханаларды интернетсіз  жұмыс істейтін заманауи цифрлық ресурстармен және жасанды интеллект құралдарымен жабдықталған «TopIQ- MobiBox» - оқу үдерісін қолдауға арналған автономды оқу станциясы. Құрылғы шалғай елді мекендердегі және шеткері қала мектептеріндегі оқушылармен мұғалімдерге оқу контентін еркін пайдалануға мүмкіндік береді. 

Оқу станциясына:

•        Қазақ және орыс тілдеріндегі 395 оқулық пен көркем әдеби кітап;

•        Бейнематериалдар, аудиоконтент, мультфильмдер;

•        Интерактивті тапсырмалар мен тесттер енгізілді. 

Сондай-ақ оқу станциясында мұғалімдердің күнделікті жұмысын жеңілдетуге арналған «Qamqor» интеллектуалды көмекшісі бар. Ол сабақ жоспарларын әзірлеуге, оқу материалдарын таңдауға және оқу үдерісін тиімді ұйымдастыруға көмектеседі.