«Үлкендер жолы – ұлылық, ұрпақ жүрер ұғынып!»

2025 жылдың 2 қазан күні Ш.Уәлиханов атындағы жалпы орта білім беретін мектебінде «Адал азамат» біртұтас тәрбие бағдарламасы аясында, «Тәуелсіздік және отаншылдық» айы шеңберінде 9, 10, 11-сынып оқушыларының қатысуымен ардагер ұстаздармен тағылымды кездесу өтті.

 Іс-шараға арнайы қатысқан мектеп директоры Мұхит Санақұлы Ғайсин ардагер ұстаздарды кәсіби мерекелерімен құттықтап, білім мен тәрбие беру жолында сіңірген еңбектеріне зор алғысын білдірді.
  «Сіздердің өмір жолдарыңыз – кейінгі ұрпаққа үлгі, ал еңбектеріңіз – мектеп тарихының алтын парақтары», – деп жүрекжарды лебізін білдірді.

 Кездесу барысында ардагер ұстаздар оқушылармен өздерінің еңбек жолдары, өмірлік тәжірибелері, қиындық пен қуанышқа толы шақтары туралы сыр бөлісті. Оқушылар үлкен қызығушылықпен тыңдап, сұрақтар қойып, рухани азық алды.

 Іс-шараның мақсаты – ұлағатты ұстаздардан үлгі ала отырып, ұрпақтар сабақтастығын жалғастыру, ұстазға деген құрметті арттыру және оқушыларды адамгершілікке, рухани тәрбиеге баулу.

 Іс-шараны ұйымдастырған:
 Құқық және тәртіп фракциясы жетекшісі – Сембеков Қуаныш Бауыржанұлы
 Тәлімгер – Бабылова Жанар Сабыртаевна

 Бұл кездесу жас ұрпаққа терең ой салып, елге, жерге, ұстазға деген құрметті арттырды.