Жыр алыбы Жамбыл Жабаевтың туғанына 175 жыл
мектебімізде жоспар бойынша іс-шаралар өтті.
Тарих пәнінің мұғалімі Какимова Адеми Рысбекқызының ұйымдастыруымен
8-сынып оқушыларының қатысуымен Ұлтазаттық
қозғалыс тақырыбы Жамбыл жырларында. «Зілді бұйрық»,
«Патша әмірі тарылды» атты тарихи кеш болып өтті.
Кештің мақсаты:
Жамбыл Жабаевтың 1916 жылғы 25 маусымдағы патша жарлығының халық үшін ауыр
зардабы болғандығын түсіндіре отырып, ақынның халықтың басына үйірілген қара
бұлтты жырмен сейілтуін оқушыларға жеткізу, олардың бойында ақынның жырларына
деген қызығушылық ояту.Кештің басы 8-сынып оқушысы Тұрсын Таңаттың
ХХІ ғасыр Гомері атанған Жамбыл Жабаевтың туғанына 175 жыл толғанын
атап өтуден басталды.
Қанатова Ақнұр мен Тоқанова Амангүл ақынның өмірі мен шығармашылығына
тоқталды. Серікжанов Ернар 1916 жылғы оқиғаның басты куәгері болған жыраудың
сол кездегі қазақ даласындағы аласапыранды қалтқысыз дәл жеткізгенін айтып өтті.
Еркебұланұлы Елнұр «Зілді бұйрық», ал Сайлаукенов Бексұлтан «Патша
әмірі тарылды» атты өлеңдерін мәнерлеп оқыды
Мектеп кітапханашысы Ерубаева Гулжан Аменовна 5-8 сынып оқушыларымен
«Жамбыл және дәуір» атты көрме ұйымдастырды.
Ағылшын тілі пәні мұғалімі Акадикова Бақытгүл Кенжебаевна "Жамбыл Жабаев жайлы" интеллектуалды
ойын ұйымдастырды
Орыс тілі пәні мұғалімі Смагулова Жанар «Ұлы даланың жыршысы» атты іс- шараның «ХХ ғасырдың гомері» тақырыбында 10- сынып оқушылары арасында викториналық сұрақтар сайысы өтті.
Шағын орталық, мектепалды топ тәрбиеленушілері "Мен Жамбылды оқимын" атты әлеуметтік желіге челлендж орналастырды.
