"Оқу- тәрбие үрдісінде қолданылатын әдіс-тәсілдерді ұлттық құндылықтарға бағыттау" тақырыбындағы аймақтық семинар
"Ұлттық мәртебе" жобасы аясында «Оқу- тәрбие үрдісінде қолданылатын әдіс-тәсілдерді ұлттық құндылықтарға бағыттау» тақырыбында серіктес мектептер
арасында аймақтық семинар өтті.
Семинарда орыс тілі пәні мұғалімі Курмаева Гульнара Маултшариповна педагогтерге «Miro,canva» электронды тақтасын әр сабақта тиімді қолдану шеберлік сағатын өткізді.
Қазақ тілі мен әдебиеті пәні мұғалімі Ныгыманбекова Меруерт Маратқызы,
бастауыш сынып мұғалімі Терлікбаева Айгерім Төлеуқызы ашық сабақтарында интербелсенді әдіс- тәсілдерді ұлттық құндылықтарға бағыттай өткізді.
Педагог- психолог Жаркеева Нүризат Дәлеловна «Арт терапияны» қолдана отырып, педагогтермен, білім алушылармен түзете-дамыту жұмыстары тренингін жүргізді.
Тәрбие ісі жөніндегі орынбасар Әбішева Гүлжазира Қанабекқызы мен тарих пәні мұғалімі Какимова Әдеми Рысбекқызының ұйымдастыруымен "Ұлтжанды ұрпақ- лаулайтын шырақ" атты "Ұлттық мәртебе" жобасы аясында «Жас ақындар» айтысы,
«Қызға қырық үйден тыйым», А.Құнанбаевтың «Білектей арқасына өрген бұрым» өлеңіне салт-дәстүрлерден зор тәлімдік мәні бар сахналық қойылымдар көрсетіліп,
қыздар мен ұлдар топтық биі билеп, әндер орындады.
Семинар соңында оқу ісі жөніндегі орынбасар Мукатаева Айнаш Оралқызы "Алтын босаға" талқылау, пікір алмасу алаңында өткізілген іс-шараларға "SWOTT"-талдау жасады. Семинарға қатысқан серіктес О.Меңаяқұлы, М.Әбеулов,Т.Есімжанов мектеп ұстаздарының тұжырымдаған ой-пікірлері семинардың жоғары деңгейде өткенін көрсетті.
«О.Меңаяқұлы атындағы ЖББОМ» коммуналдық мемлекеттік мекемесі жетекші мектеп үйлестірушісі Жақсыбергенова Асем С семинардың жоғары деңгейде өткенін айта келе, қолданылған әдіс-тәсілдер сабақ барысында үнемі жалғасын табуына ұсыныс білдірді. Мектеп басшысы Азимбаева Айнагүл Рысқалиқызына және ұжым мүшелеріне алғыс білдіріп, алдағы жұмыстарға сәттілік тіледі.
