"Ой еңбегі" бірлестігінің есебі 2021-2022 оқу жылы бойынша
«Ой еңбегі» пәндер бірлестігі есебі
2021-2022 оқу жылы
«Ш.Уәлиханов атындағы жалпы орта білім беретін мектебі» КММ-нің «Ой еңбегі» пәндер бірлестігінд «Оқытудың жаңа технологияларын пайдалана отырып оқу үрдісін ізгілендіру» тақырыбы таңдап алынып жұмыс жоспары құрылды.
Мақсаты: мемлекеттік бағдарламаны жүзеге асыру, оқушыларға стандартты сәйкес білім беріп қана қоймай , оқушылардың математикалық-функционалдық сауаттылығын және жаратылыстану ғылымдарындағы құзырлылығының қалыптасу дәрежесінің жоғары болуна ықпал жасау.
Жыл бойы жоспар бойынша жұмыс мақсатына негізделген сараптамалар, бақылау, кәсіби сайыс, білім сайыстары өтіп отырды.
Қыркүйек айында пәндер бойынша 0-дік бақылау жұмыстары алынып, нәтижесі мектеп әкімшілігінде талқыланды, соған байланысты қосымша сабақтар графигі құрылды. Олқылықтардың орнын толтыру бойынша жұмыс жоспары құрылып бекітілді. Бірлестік мүшелерінің сабақтарына жыл бойы мектеп әкімшілігі жоспарға сай қатысыпғ сараптамалар жасап отырды.
Дарынды оқушылармен де жұмыс жасалып отырды, нәтижесінде «Ақбота» интеллектуалды олимпиадасына қатысып дипломдармен марапатталды.
3-12 ақпан аралығында жаратылыстану пәндерінің онкүндігі өтті. Биылғы 2022 жыл -Балаларды жылы болғандықтан, «Білімді, дені сау ұрпақ – еліміздің болашағы» тақырыбында жұмыс жоспары жасалынып, бірлестік отырысында бекітілді.
Мақсаты:
- Жаратылыстану пәндеріне қызығушылықтарын арттыру, теориялық білімдерін практикада қолдануға дағды қалыптастыру.
- Оқушылардың бойында салауатты өмір сүру жайлы
түсініктерін және функционалды сауаттылығын дамыту.
Апталықтың ашылуында жаратылыстану пәндерінің ғажайыптары туралы видеолар көрсетілді, презентация арқылы жоспармен таныстырылды.
Балалар роботпен бірге «Қара жорға» биледі
Биология және химия пәні мұғалімі Дәнебаева Маржан адамның он екі мүшесінің қозғалысы туралы қызықты мәліметтермен бөлісті.
8-сынып оқушылары «Функциялар» биін биледі.
Онкүндік барысында жоспар бойынша ашық сабақтар мен сыныптан тыс жұмыстар өз уақытында өтіп отырды. 5-6 сынып оқушыларының арасында математика пәні бойынша Сабыржанова Гулнур мұғалімнің ұйымдастыруымен «Білімділер» сайысы өтті.
Сайыс тапсырмалары математиканың өмірмен байланысы бойынша берілді. Мақал-мәтелдердің жалғасын табу, логикалық тапсырмаларды шығару, жылдам ойлап жауап беру бойынша екі топ ұпай жинады. Нәтижесінде 2 ұпайды артық жинаған 6-сынып оқушыларынан құрылған топ жеңіске жетті.
7, 8, 9 -сынып оқушыларымен «Мың бір мақал, жүз бір жұмбақ» интеллектуалды ойыны өтті. Ойын бірнеше сайыстан тұрды. «Жұмбақшылар» сайысы, «Мақалшылар» сайысы, «Білгірлер» сайысы және «Көрермендер» сайысы.
Интеллектуалды ойынның жеңімпаздары мақтау қағаздарымен марапатталды.
Математика пәні мұғалімі Насипказина Шуға Біржанқызының ұйымдастыруымен «Математика өмірде» атты сыныптан тыс іс-шара өтті. Оқушылардың ойлау қабілеті мен математикалық қабілеттерін арттыру, математика пәні бойынша білімдерін тереңдету, математикаға деген қызығушылығын арттыру мақсатында интеллектуалды тапсырмалар берілді. Кіріспе бөлімінде математика әлемі туралы , математиканың өмірмен тығыз байланысы туралы қызықты мәліметтер берілді. Формулалар сайысы, математикалық жұмбақ есептер, математикалық жаңылтпаштар, математикалық жұмбақтар бөлімі бойынша қатысушылар өз білімдерімен сайысқа түсті.
Биология-химия пәні мұғалімі Дәнебаева Маржан мұғалім 8-9 сыныптар арасында «Білгір химиктер» атты сыныптан тыс іс-шара өтті. Химия пәнін өмірмен байланыстыра отырып, маңызына ғылыми тұрғыдан түсінік беріп, оқушылардың пәнге қызығушылығын арттыру, алған білімдерін дамыту, тұрмыста, еңбекте, өмірде қолдану,оқушыларды адамгершілікке, шеберлікке, сөз сөйлеу мәнеріне, жылдамдыққа, ұқыптылыққа, тазалыққа тәрбиелеу мақсатында жұмыс жүргізілді
Онкүндік барысында 5-сыныпта «Ондық бөлшектерді қосу және азайту» тақырыбында математикадан ашық сабақ өтті. Мақсаты: ондық бөлшектерді бағандап азайту және қосу алгоритмін құру және қолдану. Оқуға құштар мектеп жобасы барысында құстар жайында толық ақпараттар әр тапсырмалар орындағанда қосымша беріліп отырды. Білім алушылар ондық бөлшектерді оқып, жазып , мәтіндік есептерді теңдеу құру арқылы шығарды. Алған білімдерін есептер шығару барысында қолдана білді.
7-сыныпта физикадан зерттеу сабағы өтті. География пәнінен 7-сыныпта, биология пәнінен 8-сыныпта ашық сабақтар сабақтың мақсатына сай өтті. Жоспарда қарастырылған барлық іс-шаралар кезең-кезеңімен өтіп отырды.
8-сынып оқушылары Қуандықова Ұлбосын, Серікқали Жансерік аудандық жасөспірімдер олимпиадасына қатысып, өз білім дәрежелерін көрсете алды. Нәтижесінде 8-сынып оқушысы Қуандықова Ұлбосын 2-дәрежелі дипломмен марапатталды.
7-сынып оқушысы Азкей Дилназ биология пәні бойынша аудандық ғылыми жобаға қатысып 2-орын иеленді.
Жыл бойына жалпыға міндетті стандартқа сәйкес оқу бағдарламаларының талаптары орындалды. Мұғалімдердің білімдерін жетілдіру бойынша білім жетілдіру курстарына Шайхина Г, Данебаева М, Сабыржанова Г барып сертификат алды.
Жыл бойына жоспарланған іс-шаралар өтті.
