Lesson Study сабағы
12 қараша күні "Адал азамат" біртұтас тәрбие бағдарламасы аясында Зерде шығармашылық тобының ұйымдастыруымен 8-сынып оқушыларына "Қазақстан тарихы" пәнінен Какимова Адеми Рысбекқызы "Қазақстан азаматтық қарсыластық жылдарында (1917–1920)" тақырыбында Lesson Study сабағын өткізді.
Сабақтың психологиялық ахуал кезеңінде оқушылар ұлттық құндылықты дәріптейтін күйді қаламмен орындау арқылы ұйымдастырылып, бұл олардың сабаққа деген қызығушылығын арттырып, көңіл күйін тұрақтандырды.
Lesson Study үдерісі бойынша А, В, С деңгейіндегі оқушылар сабақ бойы бақылауға алынды. Инклюзив оқушыға жеңілдетілген тапсырма ұсынылып, барлық білім алушының оқу үдерісіне белсенді қатысуына мүмкіндік жасалды.
А деңгейіндегі оқушы жасанды интеллект көмегімен әзірленген презентация қорғады;
В деңгейіндегі оқушы берілген сұрақтарға толық әрі мазмұнды жауап берді;
С деңгейіндегі оқушы Wordwall платформасындағы тапсырманы сәтті орындады;
ЕББҚ оқушысы да сабаққа белсенді қатысып, берілген тапсырмаларды орындады.
Жаңа тақырыпты меңгерту кезеңінде оқушылар Stoowatch платформасы арқылы 3 топқа бөлініп, топ көшбасшылары анықталды.
Бірінші топ – постер қорғады;
Екінші топ – Венн диаграммасын құрастырды;
Үшінші топ – мәтінмен жұмыс жүргізді.
Сергіту сәтінде өтілген жылдар хронологиясына байланысты "жекпе-жек" әдісі қолданылса, қорытынды кезеңде тізбектеп айту әдісі арқылы оқушылар білімдерін бекітті. Бұл әдістер есте сақтау, ойлау және ауызша сөйлеу дағдыларын дамытуға ықпал етті.
Кері байланыс барысында "Бес саусақ" әдісі қолданылып, оқушылардың сабақтан алған әсері мен жаңа ақпаратты қаншалықты меңгергені анықталды. Бағалау кезеңінде оқушылар өздерін домбыра белгісі арқылы бағалады.
Сабақ мақсаты толық орындалып, оқушылар жаңа тақырыпты жоғары деңгейде меңгерді.
