«Агрессияны басқару» тақырыбында өткізілген түзету-дамыту сабағы

Педагог-психолог Жаркеева Нуризат Далеловна 7-сынып оқушыларымен агрессиялық мінез-құлықты төмендетуге, эмоцияларды дұрыс басқаруға және өзара қарым-қатынас мәдениетін дамытуға бағытталған түзету-дамыту сабағын өткізді.

Сабақтың басында «Эмоция шеңбері» жаттығуы арқылы оқушылардың сол сәттегі көңіл-күйлері анықталып, эмоционалдық жағдайға талдау жасалды.

Одан кейін «Агрессия деген не?» тақырыбында шағын пікірталас ұйымдастырылып, оқушылар агрессияның себептері мен оның адамға және қоршаған ортаға әсері жөнінде өз ойларымен бөлісті.

Сабақтың шығармашылық бөлігі ретінде «Менің ішкі отым» арт-терапиялық сурет салу жаттығуы жүргізілді. Бұл жұмыс барысында оқушылар өз ішкі ашуын қағазға түсіріп, кейін оны топпен талқылау арқылы эмоцияларын ашық білдіруге мүмкіндік алды.

Сабақ соңында «Мен өзімді басқара аламын» атты рефлексия жасалып, әр оқушы агрессияны жеңудің жеке тәсілдерін анықтады.

Жұмыс «Тыныштық орманы» релаксациялық жаттығуымен аяқталып, оқушылар тынышталып, ішкі энергияларын ретке келтірді.

Бұл сабақ оқушылардың эмоционалдық өзін-өзі реттеу дағдыларын дамытуға, агрессияны конструктивті түрде жеңуге және қарым-қатынас мәдениетін нығайтуға ықпал етті.