Білім жетістіктерін мониторингтеу (ББЖМ) бойынша түсіндіру жұмыстары

 2026 жылдың 1 сәуір күні 4,9 сынып оқушыларының ата-аналарына білім алушылардың білім жетістіктерін мониторингтеу (ББЖМ) бойынша түсіндіру жұмыстары жоспарға сәйкес ұйымдастырылып,жүргізілді. Негізгі мақсат – ата-аналарды ББЖМ-ның мазмұны, мақсаты, өткізілу тәртібі және оның оқушылар үшін маңыздылығы туралы ақпараттандыру. Түсіндіру  жұмыстарын  жүргізу кезінде  білім беру жетістіктерін мониторингілеуді өткізу тәртібі  4–9 сыныптар арасында  білім  сапасын  анықтау  мақсатында  дайындау  тестерінен алынған  қорытынды   мониторинг  жұмыстары ата-аналарға талданып,түсіндірілді.  Мониторингтің негізгі мақсаты – оқушылардың оқу жетістіктерінің деңгейін анықтау, біліміндегі олқылықтарды айқындау және оларды түзету бойынша нақты шаралар қабылдау.Ата-аналарға мониторингтің жүргізілу кезеңдері  таныстырылды. Түсіндіру жұмыстары бірнеше бағытта жүзеге асырылды. Атап айтқанда, сынып жетекшілері тарапынан ата-аналар жиналыстары өткізіліп, онда ББЖМ-ның негізгі міндеттері мен ерекшеліктері таныстырылды. Жиналыстар барысында ата-аналарға мониторингтің оқушылардың білім деңгейін анықтауға, оқу сапасын арттыруға ықпал ететіні түсіндірілді.Сонымен қатар, мектеп әкімшілігі тарапынан арнайы презентациялар әзірленіп, ата-аналарға ББЖМ-ның құрылымы, тапсырма түрлері және бағалау жүйесі туралы толық мәлімет берілді. Ата-аналардың сұрақтарына жауап беріліп, кері байланыс ұйымдастырылды.Ақпараттық-түсіндіру жұмыстары мектептің ресми сайтында және әлеуметтік желілердегі парақшаларында да жарияланды. Бұл ата-аналардың кез келген уақытта қажетті мәліметпен танысуына мүмкіндік берді.Жүргізілген жұмыстардың нәтижесінде ата-аналардың ББЖМ туралы түсінігі артып, олардың оқу үдерісіне деген қызығушылығы мен жауапкершілігі күшейді. Ата-аналар тарапынан қолдау көрсетіліп, оқушыларды мониторингке дайындыққа ынталандыру жұмыстары жүргізілді.Қорытындылай келе алдағы уақытта да бұл бағыттағы жұмыстар жалғасын табатын болады.