1 ҚЫРКҮЙЕК – БІЛІМ КҮНІ!

2026 жылғы 1 қыркүйекте «Ш. Уәлиханов атындағы жалпы орта білім беретін мектебі» КММ-де жаңа 2026–2027 оқу жылының басталуына арналған салтанатты жиын өтті.

Білім күні «Қазақстан Республикасының Конституциясы: Адал азамат, зерделі ұлт және жауапты қоғам қалыптастырудың негізі» тақырыбында ұйымдастырылды.

 Салтанатты жиында Қазақстан Республикасының Мемлекеттік Туы көтеріліп, Мемлекеттік Гимні орындалды.

Мерекелік шараға мектеп директоры М.С.Ғайсин, , Қосағаш ауылдық округінің бас маманы И.Н.Смагулова , ардагер ұстаз Ш.Б.Насипказина, Қамқоршылық кеңесінің мүшелері, педагогтер, ата-аналар мен оқушылар қатысты. Құрметті қонақтар барша қауымды жаңа оқу жылымен құттықтап, мектеп табалдырығын алғаш аттаған бүлдіршіндерге ақ жол және оқуда табыс тіледі.

Салтанатты жиыннан кейін барлық сыныптарда Бірыңғай сынып сағаттары өткізілді. Оқушыларға білімнің, адал еңбектің, заң мен тәртіпті сақтаудың, қоршаған ортаға қамқорлықпен қараудың және белсенді азаматтық ұстанымның маңызы түсіндірілді.

Сынып сағаттарында «Адал азамат», «Таза Қазақстан», «Заң және тәртіп», «Толық адам», «Зерделі ұлт» құндылықтарына ерекше назар аударылды.

Жаңа оқу жылы барша ұстаздарымызға шығармашылық табыс, оқушыларымызға білім мен биік жетістіктер, ата-аналарымызға қуаныш әкелсін!
Жаңа оқу жылы құтты болсын! 🎉🔔