«МЕКТЕПКЕ ЖОЛ» АКЦИЯСЫ – МЕЙІРІМДІЛІК МЕКЕНІ
«Ш. Уәлиханов атындағы жалпы орта білім беретін мектебі» КММ-де жаңа оқу жылы қарсаңында оқушыларға қолдау көрсету мақсатында қайырымдылық шаралары ұйымдастырылды.
Республикалық «Мектепке жол» акциясы аясында ауыл жастары қазақ күресінен жоғары нәтиже көрсетіп жүрген 3 оқушыға жалпы сомасы 45 000 теңге көлемінде қаржылай демеушілік көрсетті.
Сонымен қатар, 1-сыныпқа қабылданған 6 оқушыға жалпы сомасы 25 000 теңге көлемінде мектеп сөмкелері мен толық оқу құралдары табысталды.
Жас ұрпаққа жанашырлық танытып, игі іске белсенді атсалысқан ауыл жастарына мектеп әкімшілігі атынан шынайы алғысымызды білдіреміз!
Қайырымдылық – қамқорлықтың жарқын көрінісі. Игі істеріңіз еселеніп, еңбектеріңізге табыс тілейміз! 🤝
